आपतकालिन सम्पर्क नं
प्रहरी कन्ट्रोल : १००, टोल फ्री नं.: १६६००१४१५१६
नेपा
EN
फाल्गुण २०८०
लागुऔषध सहित मानिस नियन्त्रणमा ।
२०८०-११-२५

सुर्खेत,    जिल्ला सुर्खेत वीरेन्द्रनगर नगरपालिका-४ ऐरि चोक स्थित लागूऔषध ब्युरो सुर्खेत बाट र  जिल्ला प्रहरी कार्यालय सुर्खेतबाट खटिएको संयुक्त प्रहरी टोलिले जिल्ला बाके खजुरा गाउँपालिका-८ घर भई हाल जिल्ला सुर्खेत वीरेन्द्रनगर नगरपालिका-४ ऐरीचोक स्थित पान पसल गरी बस्ने बर्ष ३१ को राज खान र ऐ. खजुरा ४ घर भई हाल वीरेन्द्रनगर नगरपालिका-४ पान पसल गरी बस्ने बर्ष २१ को कलिङ खान लाई शंका लागी चेक जाँच गर्दा कलिङ खानको साथ बाट सेतो खैरो धुलो पदार्थ नापतौल गर्दा (तौल २ ग्राम ३३० मिलिग्राम ) ब्राउन सुगर जस्तो देखिने खैरो धुलो पदार्थ सहित निजहरुलाई नियन्त्रणमा लिई जिल्ला प्रहरी कार्यालय सुर्खेतमा ल्याई थप अनुसन्धान भईरहेको ।
फरार प्रतिवादी पक्राउ ।
२०८०-११-२५

डोल्पा,       सम्मानित जिल्ला अदालत डोल्पाको मिति २०७३।१२।१० गतेको फैसला आदेशले बहुबिबाह मुद्धामा १ बर्ष कैद र जरिवाना रकम रु.१०,०००/- सजाय तोकिएको जिल्ला डोल्पा मुडकेचुला गाउँपालिका-६ बस्ने गोबिन्द शाहिलाई जिल्ला प्रहरी कार्यालय डोल्पाबाट खटिएको प्रहरी टोलीले पक्राउ गरी नियन्त्रणमा लिई आवश्यक कारवाहीको लागी सम्मानित जिल्ला अदालत डोल्पामा पेश गरिएको । 
अवैध सामान बरामद ।
२०८०-११-२४

सुर्खेत, जिल्ला सुर्खेत भेरिगंगा नगरपालिका-५ तोलिखोला स्थित ईलाका प्रहरी कार्यालय छिन्चुबाट खटिएको प्रहरी टोलीले सवारी साधन चेकजाँच गर्दा नेपालगञ्ज बाट सुर्खेत तर्फ आउदै गरेको क.प्र.०२००१ख०८४५ न.को फोर्स गाडीलाई चेकजाँच गर्दा कुनै पनि बिल नभएको अवैध सामान चिनि ५ क्विन्टल (५००के.जी.) र सुपरपावर सुर्ती १६ प्याकेट गरि अ.मुल्य रु ३५०००(पैतिस हजार) बराबरको सामान बरामद गरी ईलाका प्रहरी कार्यालय छिन्चुको नियन्त्रणमा राखिएको, उक्त सवारी साधनलाई गन्तब्य स्थान तर्फ छोडिएको ।  
फरार प्रतिवादी पक्राउ ।
२०८०-११-२४

सुर्खेत,       सम्मानित जिल्ला अदालत सुर्खेतको लगत नं. ३६८२ को जातिय छुवाछुत मुद्वामा फरार प्रतिवादी जिल्ला सुर्खेत वीरेन्द्रनगर नगरपालिका-४ बस्ने बर्ष ५५ को वीरेन्द्र कठायत (२ महिना कैद, रु. २०,०००/- जरिवाना, २५,०००/- क्षतिपुर्ती ), र ऐ.ऐ. बस्ने बर्ष ४५ कि चन्द्रा कठायत (१ महिना ८ दिन कैद, रु.२०,०००/- जरिवाना, २५,०००/- क्षतिपुर्ती ) तोकिएका फरार प्रतिवादीलाई जिल्ला प्रहरी कार्यालय सुर्खेतबाट खटिएको प्रहरी टोलिले वीरेन्द्रनगर नगरपालिका-०४ मा लुकिछिपि बसिरहेको अवस्थामा पक्राउ गरी सम्मानित जिल्ला अदालतमा पेश गरिएको । 
लागुऔषध सहित मानिस नियन्त्रणमा ।
२०८०-११-१९

सुर्खेत,  जिल्ला सुर्खेत वीरेन्द्रनगर नगरपालिका-४ सहिद पार्क स्थित अस्थायी प्रहरी बिट शहिद पार्क सुर्खेतबाट खटिएको प्रहरी टोलिले ऐ.बस्ने बर्ष ३६ को यज्ञ ब.क्षेत्री लाई शंका लागी चेकजाँच गर्ने क्रममा निजले लगाएको हुडि (ज्याकेट) को गोजिमा लुकाई राखेको १ पुरिया  लागूऔषध (ब्राउन सुगर) जस्तो देखिने खैरो धुलो पदार्थ  सहित निजलाई नियन्त्रणमा लिई थप अनुसन्धानको लागी जिल्ला प्रहरी कार्यालय सुर्खेतमा ल्याई अनुसन्धान भईरहेको ।     
अवैध सामान बरामद ।
२०८०-११-१८

सुर्खेत,  जिल्ला सुर्खेत भेरीगंगा नगरपालिका-५ चेकपोष्ट स्थित अस्थायी प्रहरी पोष्ट बबई सुर्खेतबाट खटिएको ५ जनाको प्रहरी टोलीले नेपालगञ्जबाट सुर्खेत तर्फ आउदै गरेको क.प्र.०१-०२ ख.०१०२ न.को फोर्स गाडीलाई चेकजाच गर्ने क्रममा कुनैपनि बिल भरपाई नभएको अबैध सामान सुर्ति जन्य पदार्थ १५ पोका बरामद गरी आवश्यक कारवाहिका लागी अस्थायी प्रहरी पोष्ट बबईमा ल्याई राखिएको, गाडी गन्तब्य तर्फ पठाइएको । 
अवैध सामान बरामद ।
२०८०-११-१८

सुर्खेत,   जिल्ला सुर्खेत भेरीगंगा नगरपालिका-५ कालिदमार स्थित रत्न राजमार्ग सडक खण्डमा ईलाका प्रहरी कार्यालय छिन्चुबाट खटिएको प्रहरी टोलीले नेपालगञ्जबाट सुर्खेत तर्फ आउदै गरेको बा.५ ख.९३३१ न.को फोर्स गाडीलाई चेकजाच गर्ने क्रममा कुनैपनि बिल भरपाई  नभएको प्याज अं.२५० के.जी.र चिनी १५० के.जि. बरामद गरी आवश्यक कारवाहिका लागी  ईलाका प्रहरी कार्यालय छिन्चुमा ल्याई राखिएको, गाडी गन्तब्य तर्फ पठाइएको ।
फरार प्रतिवादी पक्राउ ।
२०८०-११-१८

मुगु, सम्मानित जिल्ला अदालत मुगुबाट मिति २०७८।०८।०१ गते फैसला भई सजाय तोकिएको फरार प्रतिवादी जिल्ला मुगु सोरु गाउँपालिका-३ ठुला गाउँ बस्ने बर्ष २४ को ईन्द्र सेजुवाललाई जिल्ला प्रहरी कार्यालय मुगु बाट खटिएको प्रहरी टोलिले नियन्त्रणमा लिई जिल्ला प्रहरी कार्यालय मुगुमा ल्याई सम्मानित अदालतमा बुझाउने कार्य भईरहेको ।
फरार प्रतिवादी पक्राउ ।
२०८०-११-१५

मुगु, सम्मानित जिल्ला अदालत मुगूबाट कैद तथा जरिवाना कायम भई फरार रहेका निम्न प्रतिवादीहरू लुकुछिपि बसिरहेको अवस्थामा जिल्ला प्रहरी कार्यालय मुगुबाट खटिएको प्रहरी टोलिले पक्राउ गरी आवश्यक कारवाहीका लागी सम्मानित जिल्ला अदालत मुगुमा पेश गरिएको ।निम्नः-१) जिल्ला मुगु सोरू गाउँपालिका-३ भिई ठुलागाँउ बस्ने टक्क बहादुर धामीको छोरा वर्ष २१ को जीवन धामी,२) ऐ.ऐ. बस्ने नवराज धामीको छोरा वर्ष २४ को मिलन धामी,३) ऐ.ऐ.बस्ने मनबिर बुमीको छोरा वर्ष २८ को कविदत्त बुमी, ४) ऐ.ऐ. बस्ने मक्क धामीको छोरा वर्ष २२ को अंगत धामी । 
अवैध सुपरपावर सुर्ति बरामद ।
२०८०-११-१५

सुर्खेत,  जिल्ला सुर्खेत भेरिगंगा नगरपालिका-५ बबई चेक पोष्टमा चेकिङ डिउटिमा खटिएका ४ जनाको प्रहरी टोलिले नेपालगंज देखी सुर्खेत तर्फ आउदै गरेको क.प्र.०२-००१ ख००६४ न.को मिनिबस लाई चेकजाँच गर्ने क्रममा बिल भरपाई  नभएको अबैध सामान ८९ पोका( अन्दाजी मुल्य रू १५१३० पन्ध्र हजार एक सय तिस) बराबरको  सुपरपावर सुर्ती बरामद गरी अस्थायी प्रहरी पोष्ट बबई सुर्खेतमा ल्याई राखिएको थप अनुसन्धान भईरहेको, गाडीलाई गन्तव्य तर्फ पठाईएको । 
लागूऔषध सहित मानिस नियन्त्रणमा ।
२०८०-११-१४

सुर्खेत, जिल्ला सुर्खेत वीरेन्द्रनगर नगरपालिका-९ पिपलडाँडा बस्ने बर्ष ३० को सनतराज बोगटिको घरमा लागूऔषध कारोबार भईरहेको छ भन्ने गोप्य सुचनाको आधारमा लागूऔषध ब्युरो कर्णाली प्रदेश सुर्खेत शाखा बाट खटिएको प्रहरी टोलि र जिल्ला प्रहरी कार्यालय सुर्खेत र अस्थायी प्रहरी बिट लाटिकोईलि सुर्खेतबाट खटिएको संयुक्त प्रहरी टोलिले निजको घरमा चेक जाँच गर्दा निजको घरको सुत्ने कोठा र घरको छतमा लुकाई छिपाई राखेको अवस्थामा नापतौल नगरेको ब्राउन सुगर जस्तो देखिने खैरो धुलो पदार्थ ८४ पुडिया, ठुलो २ पोका, निजले प्रयोग गर्ने भे.५ प. ५६४१ नं. को मोटरसाईकल  र कैचि थान १ सहित बरामद गरी निजलाई नियन्त्रणमा लिई जिल्ला प्रहरी कार्यालय सुर्खेतमा ल्याई थप अनुसन्धान भईरहेको । 
फरार प्रतिवादी पक्राउ ।
२०८०-११-१३

सल्यान, जिल्ला सल्यान शारदा नगरपालिका १० बस्ने अभद्र ब्यबहार मुद्दामा १५ दिन कैद र रु ९,८००।– जरिवाना तोकेको फरार प्रतिबादी बर्ष २६ को कमल खडकालाई जिल्ला प्रहरी कार्यालय सल्यान बाट खटिएको प्रहरी टोलीले जिल्ला सल्यान शारदा नगरपालिका-२ खलंगा बजारमा हिडिरेको अबस्थामा फेला पारी पक्राउ गरी जिल्ला प्रहरी कार्यालय सल्यानमा ल्याई राखिएको।
भरूवा बन्दुक सहित मानिस नियन्त्रणमा ।
२०८०-११-१३

दैलेख,  जिल्ला दैलेख नारायण नगरपालिका-२ स्थित देउती सामुदायीक वनमा जिल्ला दैलेख नारायण न.पा. २ बस्ने बर्ष ५१ को अमर बहादुर रावत र ऐ.ऐ.बस्ने बर्ष ५४ को धन बहादुर राम्जाली मगरले १ नाले खालि भरुवा बन्दुक बोकी हिडीरहेको अवस्थामा जिल्ला प्रहरी कार्यालय दैलेखबाट खटिएको  प्रहरी टोलिले भरूवा बन्दुक सहित नियन्त्रणमा लिई थप अनुसन्धान भईरहेको । 
फरार प्रतिवादी पक्राउ ।
२०८०-११-१३

सुर्खेत, सम्मानित जिल्ला अदालत सुर्खेतको फैसलाले, चार महिना कैद र पाँच हजार जरिवाना तोकिएको फरार प्रतिवादी जिल्ला सुर्खेत वीरेन्द्रनगर नगरपालिका-४ बस्ने बर्ष ४२ को दिपक राज पुरी लाई जिल्ला प्रहरी कार्यालय सुर्खेतबाट खटिएको प्रहरी टोलिले निजकै घरबाट नियन्त्रणमा लिई जिल्ला प्रहरी कार्यालय सुर्खेतमा ल्याई राखिएको, सम्मानित अदालतमा उपस्थित गराउने कार्य भईरहेको । 
लागूऔषध सहित मानिस नियन्त्रणमा ।
२०८०-११-१३

सुर्खेत,  जिल्ला सुर्खेत वीरेन्द्रनगर नगरपालिका-११ पिपिरा देखि गाग्रेताल जाने सड्क खण्डमा चन्द्रा ईन्जिनियरिङ वर्कसापको कामदारहरू बस्ने कोठामा ऐ.ऐ. बस्ने बर्ष २८ को प्रवेश सापकोटा, जिल्ला दैलेख भैरवी गाउँपालिका-३ बस्ने बर्ष १७ र ऐ.ऐ. बस्ने वर्ष १८ को बालकलाई लागूऔषध जस्तो देखिने खैरो धुलो पदार्थ प्लाष्टिकको थैला काटि प्याक गरी रहेको छन भन्ने सुचनाको आधारमा  प्रहरी चौकी सुब्बाकुनाबाट  खटिएको प्रहरी टोलीले निजहरुलाई चेक जाँच गर्ने क्रममा निजहरुले बनाई रहेको ब्राउन सुगर जस्तो देखिने खैरो धुलो पदार्थ ५ पुडिया (नापतौल गर्दा ७७० मिलिग्राम) बरामद गरि नियन्त्रणमा लिई आवश्यक अनुसन्धानको लागि जिल्ला प्रहरी कार्यालय सुर्खेतमा ल्याई राखिएको ।
भरूवा बन्दुक फेला परेको ।
२०८०-११-१३

दैलेख, जिल्ला प्रहरी कार्यालय दैलेखबाट  ७ जनाको प्रहरी टोलिले गस्ति गर्दै जाने क्रममा जिल्ला दैलेख नारायण नगरपालिका-२ पातिकाल्ना स्थित कृष्ण बहादुर खत्रीको गहुँबारीको कुनामा लोड अवस्थामा रहेको १ नाले थान-२ (दुई) भरुवा बन्दुक स्याउलाले छोपेर लुकाई छिपाई राखेको अवस्थामा फेला पारी रित पुर्वक बरामदी मुचुल्का गरी अनलोड गरी जिल्ला प्रहरी कार्यालय दैलेखमा ल्याई राखीएको, को-कस्को भन्ने खुल्न नआएको र थप अनुसन्धान कार्य भईरहेको ।
लागूऔषध सहित मानिस नियन्त्रणमा ।
२०८०-११-११

सुर्खेत, जिल्ला सुर्खेत वीरेन्द्रनगर नगरपालिका-१० पदमपुर बस्ने बर्ष २३को बिकाश बि.क.को घरमा निज सुत्ने कोठा रितपुर्वक खानतलासी गर्दा लागूऔषध ब्राउन सुगर जस्तो देखिने खैरो धुलो पदार्थ नापतौल गर्दा तौल १३० मिलिग्राम रहेको खैरो धुलो पदार्थ सहित निज बिकाश बि.क.लाई लागूऔषध ब्युरो कर्णाली प्रदेश सुर्खेत र जिल्ला प्रहरी कार्यालय सुर्खेतबाट खटिएको संयुक्त प्रहरी टोलिले नियन्त्रणमा लिई जिल्ला प्रहरी कार्यालय सुर्खेतमा ल्याई थप अनुसन्धान कार्य भईरहेको ।
फरार प्रतिवादी पक्राउ ।
२०८०-११-१०

दैलेख, सम्मानित जिल्ला अदालत दैलेखको लागत नम्बर ११७४ मिति २०७८।०८।२३ गतेको फैसलाले ४ महिना २२ दिन कैद तोकेको वन्यजन्तु ओसार पसारका फरार प्रतिबादी जिल्ला दैलेख भगवतिमाई गाउँपालिका वडा न.०२ बस्ने बर्ष ५५ को धन बहादुर रावत लाई प्रहरी चौकी बेस्तडा बाट खटिएको प्रहरी टोलीले नियन्त्रणमा लिई सम्मानित जिल्ला अदालत दैलेखमा उपस्थित गराईएको ।
फरार प्रतिवादी पक्राउ ।
२०८०-११-१०

दैलेख,  सम्मानित जिल्ला अदालत दैलेखको लागत नं. ७३३ मिति २०६९।०५।११ गतेको फैसलाले अपहरण बन्दक मुद्धाको ५०,०००।- ( पचास हजार) जरिवाना तोकिएको फरार प्रतिवादी जिल्ला दैलेख गुँरास गाउँपालिका ०६ बस्ने बर्ष ४९ को ललित बहादुर वलि लाई प्रहरी चौकी लालिकाँडा बाट खटिएको प्रहरी टोलीले नियन्त्रणमा लिई जिल्ला प्रहरी कार्यालय दैलेखमा ल्याई सम्मानित जिल्ला अदालत दैलेखमा उपस्थित गराईएको । 
फरार प्रतिवादी पक्राउ ।
२०८०-११-०९

दैलेख, सम्मानित जिल्ला अदालत दैलेखको लागत नं. १२३१ मिति २०७९।०९।०४ गतेको फैसलाले सवारी ज्यान मुद्धाको ६ महिना सजाय भएको फरार प्रतिवादी जिल्ला दैलेख भगवतिमाई गाउँपालिका वडा नं. ०७ बस्ने बर्ष ४७ को हरिनारायण खड्का आफ्नै घरमा लुकिछिपि बसिरहेको अवस्थामा अस्तायि प्रहरी पोष्ट लोहोरे दैलेख बाट खटिएको प्रहरी टोलीले निजलाई निजकै घर बाट पक्राउ गरी जिल्ला प्रहरी कार्यालय दैलेखमा ल्याई सम्मानित अदालतमा बुझाउने कार्य भईरहेको । 
फरार प्रतिवादी पक्राउ ।
२०८०-११-०९

दैलेख,  सम्मानित जिल्ला अदालत दैलेखको फैसलाले चेक अनादर मुद्धाको फरार प्रतिवादी जिल्ला दैलेख दुल्लु नगरपालिका-८ बस्ने बर्ष ५२ को मखन आचार्य, बर्ष ३३ कि लक्ष्मी खड्का ऐ.स्थित बाटोमा हिडि रहेको अबस्थामा जिल्ला प्रहरी कार्यालय दैलेखबाट खटिएको प्रहरी टोलिले नियन्त्रणमा लिई सम्मानित अदालतमा बुझाउने कार्य भईरहेको । 
सवारी दुर्घटना ।
२०८०-११-०७

सल्यान, जिल्ला सल्यान छत्रेश्वरी गाउँपालिका-१ मैने स्थित भित्री सडकखण्डमा दमाचौरबाट सुन्तला लोडगरी मोख्ला तर्फ आउदै गरेको ग३च ३३१२ नं.को डबलक्याप बोलेरो जिप उकालोमा चढ्न नसकि अनियन्त्रित भई पल्टिदा चालक जिल्ला तनहु आबुखैरौनि बस्ने बर्ष अं.३५ को अर्जुन बि.क. घाईते भई टाउकोमा चोट लागी, अवस्था सिरियस भई  उपचारको लागि जिल्ला अस्पत्ताल सल्यान मा ल्याईएको मा डाक्टरले चेक जाँच गर्दा मृत घोषणा गरेको ।
फरार प्रतिवादी पक्राउ ।
२०८०-११-०४

सल्यान, सम्मानित जिल्ला अदालत सल्यानको लगत नं. न.७१३ को फैसला मिति २०७२।१२।२३ गतेले २० दिन कैद सजाय तोकिएको कुटपिट मुद्दाको  फरार प्रतिवादी जिल्ला सल्यान शारदा नगर पालिका-१३ बस्ने तिलक बस्नेत को छोरा वर्ष अ. २८ को बिनोद बस्नेत लाई  निजकै घरबाट पक्राउ गरि जिल्ला प्रहरी कार्यालय सल्यान तर्फ ल्याई सम्मानित अदालत बुझाउने कार्य भईरहेको । 
फरार प्रतिवादी पक्राउ ।
२०८०-११-०१

मुगु, सार्बजनिक सम्पति हिनामिना मुद्दामा सम्मानित  जिल्ला अदालत मुगुको फैसलाले ०६ महिना कैद र ९५०००।-(पन्चानब्बे हजार) जरिवाना तोकिएका मुगु खत्याड गाउँपालिका-७ गम्था बस्ने बर्ष ४५ को लाल ब.रावतलाई प्रहरी चौकी माझचौर मुगुबाट खटिएको प्रहरी टोलिले निजकै घर वतनबाट नियन्त्रणमा लिई जिल्ला प्रहरि कार्यालय मुगुमा ल्याई सम्मानित अदालतमा बुझाउने कार्य भईरहेको ।
लागूऔषध सहित मानिस नियन्त्रणमा ।
२०८०-११-०१

मुगु, जिल्ला मुगु छाँयानाथ रारा नगरपालिका-१ पलानचौक स्थित कच्ची सडकमा ऐ.ऐ.वडा नं.४ भामबाडा बस्ने वर्ष अं.२५ को देवेन्द्र रोकायलाई जिल्ला प्रहरी कार्यालय मुगुबाट खटिएको  प्रहरी टोली खटिई गई निजलाई चेकजाँच गर्दा निजले लगाएको सटको खल्ती ( पकेट ) बाट ब्राउन सुगर जस्तो देखिने खैरो पदार्थ कागज सहित ०.१९ ग्राम ( शुद्ध तौल ०.०२ ग्राम) फेला पारी निजलाई जिल्ला प्रहरी कार्यालय मुगुमा ल्याई कानुन वमोजिम थप अनुसन्धान भईरहेको ।
फरार प्रतिवादी पक्राउ ।
२०८०-११-०१

सल्यान, जिल्ला सल्यान बनगाड कुपिण्डे नगरपालिका-१ खहरे बस्ने लागु औषध मुद्दाको लगत न. २८८ मिति २०६८।१२।०५ गते जिल्ला अदालत सल्यानको १ बर्ष ४ महिना ८ दिन फैसला भएको फरार प्रतिबादी हस्ते बुढा को छोरा बर्ष ६८ को शेर बहादुर बुढालाई निजको घरबाट ईलाका प्रहरी कार्यालय देवस्थल  सल्यानबाट खटिएको प्रहरी टोली ले नियन्त्रणमा लिई ईलाका प्रहरी कार्यालय देवस्थल सल्यानमा ल्याई राखिएको, सम्मानित अदालतमा पठाउने कार्य भईरहेको । 
अधिक लोड >>
कम देखाउनुहोस् <<

वैशाख २०८१

चैत्र २०८०

फाल्गुण २०८०

माघ २०८०

पौष २०८०

मंसिर २०८०

कार्तिक २०८०

आश्विन २०८०

भदौ २०८०

श्रावण २०८०

असार २०८०

जेष्ठ २०८०

वैशाख २०८०

चैत्र २०७९

फाल्गुण २०७९

माघ २०७९

पौष २०७९

भदौ २०७९

श्रावण २०७९
अधिक लोड >>
कम देखाउनुहोस् <<